Ihangana rirenze ikibuga Messi na Ronaldo biravugwo ko baba baguze amakipe yo muri Espagne

 Messi na Ronaldo mu ishoramari ry’amakipe yo muri Espagne.

Icyamamare mu mupira w’amaguru Lionel Messi kiravugwaho gutangira urugendo rushya mu ishoramari, aho amakuru aturuka mu bitangazamakuru bitandukanye avuga ko yaba yaguze ikipe ya UE Cornellà ikina mu byiciro byo hasi muri Espagne.

Amakuru avuga ko iyi kipe isanzwe izwiho kuzamura impano z’abakinnyi bato, yaba igiye kubona impinduka zikomeye mu micungire n’iterambere nyuma yo kwinjirwamo n’umukinnyi ufite izina rikomeye nka Messi. Bivugwa kandi ko iri shoramari rishobora kuy

ifasha kuzamuka mu byiciro byo hejuru mu gihe kiri imbere.

UE Cornellà

UE Cornellà ni ikipe yo muri Espagne ikorera mu mujyi wa Cornellà de Llobregat hafi ya Barcelona. Iyi kipe yashinzwe mu 1951, imenyerewe cyane mu mikino y’amakipe mato ndetse no kuzamura impano z’abakinnyi bakiri bato.

Cornellà ntabwo iri mu makipe akomeye ya La Liga, ahubwo ikina mu byiciro byo hasi (Primera Federación cyangwa ibyiciro byo hasi yabyo bitewe n’imyaka). Iyi kipe ifite amateka yo kuba ikigo cyiza cyo guteza imbere abakinnyi aho kubaka izina rikomeye ku rwego mpuzamahanga.

Ku ruhande rwa Cristiano Ronaldo, na we ari kuvugwaho kugira uruhare mu ishoramari ry’ikipe ya UD Almería, aho amakuru amwe avuga ko yaba afite imigabane muri iyi kipe ikina muri shampiyona ya Espagne. Ibi byaba ari intambwe ikomeye mu kwagura ibikorwa bye by’ubucuruzi birimo na siporo.

UD Almería

UD Almería ni ikipe yo muri Espagne yashinzwe mu 1989, ikaba iherereye mu mujyi wa Almería mu majyepfo y’igihugu.

Iyi kipe yagiye izamuka hagati ya La Liga na Segunda División mu myaka itandukanye. Almería imenyereweho kuba ikipe ishobora gutanga imikino irimo guhatana n’amakipe akomeye, nubwo idafite amateka maremare nk’ayandi makipe akomeye yo muri Espagne.

Iyi kipe yagiye yitabwaho n’abashoramari batandukanye kubera aho iherereye n’ubushobozi bwo kuzamuka mu rwego rwa shampiyona ya Espagne.

Iri shoramari rivugwa ku bakinnyi bombi ryerekana uburyo ihangana ryabo ryimukiye no hanze y’ikibuga, aho bari kugerageza kugira ijambo mu micungire y’amakipe no mu iterambere ry’umupira w’amaguru ku rwego mpuzamahanga.

Nubwo bimeze bityo, aya makuru ntaremezwa ku rwego mpuzamahanga n’ibitangazamakuru bikomeye bya siporo, bigatuma agomba gufatwa nk’amakuru agikeneye kugenzurwa neza. Gusa kuba amazina ya Messi na Ronaldo ahora agarukwaho mu bijyanye n’ishoramari, bigaragaza ko ejo hazaza hashobora kuzabamo impinduka zikomeye mu mupira w’amaguru zishingiye ku ruhare rw’abahoze ari abakinnyi bakomeye.

Ahaho Ninde uzahiga undi? Haba umunya Argentina Lionel Messi cyangwa ni umunya Portugal cristiano Ronaldo.

Reka tubigange amaso!!!!!.